Aiden,

Oop brief aan my glimlag kind

00:35 CornflowerBlues 0 Kommentaar

Aiden op Voëlklip strand, Hermanus. (9 Nov. 2015 – 9½ maande)

Liefste Aiden,

Jy is my vreugdeskind, my lag baba. Elke keer wat jy glimlag dan loop my beker oor. Die beste deel van my dag is wanneer ons speel en jy lag so lekker uit jou maag uit — dis die wonderlikste ding vir 'n mamma, om te weet ek het daardie uitdrukking van suiwer genot op jou gesiggie gesit!

Jy glimlag maklik en gereeld, maar moet nooit dink ek aanvaar dit as vanselfsprekend nie. Elke glimlag is kosbaar; elke laggie bêre ek in die skatkamer van my hart. Elke keer wat ek 'n herinnering daar uithaal voel ek oorweldigende dankbaarheid en vreugde.

Jy is my vreugdeskind, want jy bring 'n aansteeklike vreugde saam met jou pragtige gesindheid — my lewe is ryker en loop oor van vreugde vandat jy daarin is.

Ek is so dankbaar jy's myne. My Aiden, ek is vir altyd joune.

Liefde,
Mamma

Verdere Leesstof:

0 mense het al kommentaar gelewer: